留位去解讀周秀娜

科大破格，讓自命衛道之士炮轟的周小姐，登所謂的大雅之堂，跟學識之士並列。但觀全城焦點遭解剖化驗，何解小小女子拋波能捲軒然大波，該會比建國大業來得更好戲。跟好友二三提及，俱感陣容本身已是美事一宗。看定了。

翌日致電科大理學院，交由專責此講座的職員接聽。
另一邊是把憂心忡忡的女聲。

我想問，《解讀周秀娜現象》個講講座係咪要留位。
你來到排隊就得架啦。
吓，咁即係唔需要留位？
你來到排隊就得架啦。(做乜事？)
其實我係報紙度睇到你地個講座，見到上面寫住有二百個比非科大學生同職員既位咁。
你 . . . . . . 係咪周秀娜FANS？(有冇得再唐突啲？)
吓，唔係呀。
咁你點解會想聽？
覺得個講座應該會幾得意。
你係文化研究系學生？
. . . . . . 之前讀過囉。
咁你做緊野定讀書？
做緊野。
做緊咩？
研究助理。
响文化研究系？(一定要文化研究系至聽得？)
唔係。
响邊間大學？
城大創意媒體學院。
呀，你來拍嘢？(點解一定要拍嘢？)
吓，唔係呀，純粹覺得得意想聽咋。
咁你叫咩名，我幫你留位啦。(終於留得位)
葉啟俊。
呀呀呀葉 . . . . . . 點稱呼呀？
阿俊得啦。
阿俊，我地不如傾吓偈 . . . . . . (？！！！)你對今次呢個講座有咩睇法？
我覺得大家理解錯請周秀娜來個目的，報導個標題又錯，所以大家都反對，而且大家一見到周秀娜就覺得係唔好既野。我覺得討論流行文化，有埋個實體响度對答係最好架啦，件事本身就好得意，而且個題目又值得討論，所以絕對支持。
係~~~係~~其實今日都不斷收到電話，然後剛剛又俾個家長鬧左好耐，話對我地科大好失望 . . . . . . ! 唉，都冇諗住咁大回響 . . . . . . 你呢，到時問吓問題，唔好俾FANS問咁多問題 . . . . . .



學術與非學術的壁壘分明，FANS與非FANS是河水井水 . . . . . . 科大舉辦《解讀周秀娜現象》一事惹來的反應，就已經是另一值得討論的文化事件。

這場科大傳媒粉絲學生學者周秀娜的六國大封相SPECTACLE，結果難料，卻定當精彩。