估佢唔到

昨日跟良久不見的大學同學見面，得知了其中一位同學將會幹一行絕大部份人也沒想到他會做的行業。簡單點說，就是估唔到佢會咁，估 佢 唔 到。

所以，接下來的反應就是不下廿次的詢問此動向的真偽。在一輪仔細的真假辨證確認之後，想知的就是此巨大變化之來龍去脈。聽後又好像變得可以接受和理解了，不過還是好應該給予高度的驚訝就是。

其實一直都愛一些會讓人心想/口叫「估佢唔到(喎)」的人事物。例如人的性格，例如事件的多變，例如古怪的物品。越是超出預期，越是好玩。這些人事物的來龍去脈，即使只有九成過癮，但通常都十成有趣。

以身邊的人來說，越大聽到的估佢唔到則越多，估佢唔到的程度也越來越厲害。以前聽到中學同學成為生果店老闆，又或是在十多歲時結了婚然後離婚然後再結，也很讓人驚訝。只是現在聽到這些消息的密度高了。

我想賭博的好玩之處也在於它的估佢唔到。又其實，很多事的吸引力也有一定程度來自此原素。遊戲就是這回事罷。

不過，發覺越大就越受不了太多估你唔到的事，尤其是在自己身上的。就像老了就得吃清淡點般。雖然自己也估唔到自己的話應該超好玩，但好像難以想像自己的定位，自己也難以理解自己，這是什麼狀態?

讓人喜愛的估你唔到大概就是在—定程度的「估到你啦」之上。若果整舊野都估你唔到，咁就壓根兒沒得估，沒了那有機會扑得中的快感，不好玩。

發覺自己說話的基調很多時是好玩/不好玩。好像不太好。

還有，我都估唔到我之後會點。

這個估佢唔到，一點也不好玩。