帝陀錶陳年事件簿

數年前，爸爸突然拿出隻死去數年的爺爺在年輕時買下的錶，說是給我的了。是隻帝陀錶。對錶沒認識，爸爸只說了句，貴嘢來的。珍而重之，心想以後不買錶，天天都戴，持之以恆。
不只因為帝陀，不只因為愛舊，更是因為嗣承的意味。間中給朋友問，嘩戴隻咁貴嘅錶呀你，暗地高興地說，是爺爺留下的，通常會再引來驚奇一陣。這些過程總是快樂的。
今天，滅時黃經過，看到我的錶，想把玩。如常地給了。如常地說是我爺爺的。
滅時黃看了看，說，咁得意嘅。不解。你看，錶面的標誌是個盾，錶帶上的卻是個皇冠，黃道。一看，的確如是，大大驚！也盛讚黃觀察入微再入微。該煨，因乜解究個錶面係帝陀，錶帶係勞佢個力士？只想知道此種貓身魚相的錯配，到底是爺爺的設計，還是中了道聽塗說，整錶舖欺負你不懂錶，把靚靚零件偷天換日的奸計？滅時黃笑說，除非六十年前，帝陀和勞力士比陳冠希早廿步玩交叉合作；又或是奸錶舖儍到換條唔同牌子嘅錶帶，試圖瞞天過海，否則都好難解釋。甚是。甚是！呀呀呀呀呀呀！滅時黃還說，成隻錶，輕漂漂(壓韻)，很可能冚隻流云云。隔了會，滅時黃可能驚我尷尬，說阿爺留嘅，點都有價值，玩吓囉咪，靚靚地。心裡認同，口上也認同。但此口頭認同又有點屈服意味。不甘心的跟滅時黃說，我將會是個金田一加柯南，追查到底。
然後，回家問爸爸，隻錶點解會咁樣。爸爸說，一買下來就是這般。大惑不解！逐答，帝陀同勞力士係兩姊妹，以前的帝陀錶都是這般。全世界都是這般。爸爸又說，他年輕時買下的帝陀，當然比我腕上的年青，亦是這般。我半信半疑出晒面，爸爸補了句，六十年歷史，買都買唔到，古董來架。這個情況，像他平時想我多吃點時，就邊吃邊說「正呀！好味呀！嘩！」一樣，浮誇又作狀。雖然呢位阿叔有前科，但也讓我對爺爺的錶重拾了信任。
當然，即使它是流嘢，我一樣會戴著他，自豪的。而上面這段案，將為這錶添了重意義。
最衰有嘢攪，否則網上找找，該大概有個答案。
不要緊，明天再與滅時黃詳談。
呢道謎，羅蘭都話RIDICULOUS。