五號仔

星期六才跟朋友在海洋館談及為何咁多唔同款既魚唔會互食，然後笑說它們該簽了和議和平共存，今早一看報就見到海洋館的中華鱘五號給海狼咬瓜的慘事。大抵新來的五號仔還沒有其他海底奇兵來給它簽張協議書，海狼得以奉旨發揮魚如其名的野狼本色向中國國寶的細皮嫩肉大啖大啖噬埋去。也多得這單比死左人還來得轟動的新聞，大部份人包括我都知道了世上有款動物叫中華鱘跟大紅大紫的熊貓一樣矜貴。放心，五號的死沒白費，一二三四號在大眾媒體監視下一定能夠得到海洋公園最細密的保護。又或是，它們會拿拿淋同其他海洋室友打好交道繼而簽署和議，以後幸福快樂人人來到都會認得佢地，還會把海狼都當千古罪人叛國賊般鬧到臭過屎坑。