馬雞、加納、少芸

想買了三年的數馬相雞，因為去旅行的關系，要買。財政關系，限額五千。最終買了Panasonic的Lumix系列，感覺半pro，因為有手動對焦變焦，立即唔同晒。雖然大部，但為付了五千就有手動變焦而高興。還有，有部機仔GR Digital真的很漂亮!! 雖然是定焦鏡，雖然要五千元，雖然出了一年，但外貌，真是贏晒。

其實想試試買波好耐，但一直完全唔識波的我要買都有點難度。今天手痕看看賠率(其實自世界杯開始就已經會看體育版，雖然只是掃一掃描)，看見評論寫捷克對加納加納有機贏，我又想看看波，又見冇野做，手痕地買了五十元加納贏。一看，哇，頭兩分鐘就比加納入球! 真是不得了，已經high到爆，在屋企自已看都叫左出來! 好似一個bug! 之後下半場好似越來越猛! 再入多兩球! 今鋪真係唔到你唔服呀大佬! 太興奮啦，真係要多謝加納! 第一次買波就贏咗啦，仲要係冷門野! 正! 最衰下場加納對美國我已經走左，否則我實去買加納! 加納好野!( 這段勁不像我寫的，因為太興奮!)

早前朋友笑我愛看郭少芸，但我的愛可不會被動搖的。事實證明，她是一名美女，做師奶專業人事婆仔靜女姣婆一樣掂。現在，她回來了! 男人之虎中的么妹不受傳統束縛浸過咸水有點野性，是郭少芸的拿手好戲；法證先鋒內的專業人士冷靜機智但受過心靈創傷，不溫不火。天呀，這樣一個百變演員，大家好應該多給她機會。再要一提，郭少芸已經在三線劇集出現，包埋重播劇師奶強人，哈。