死嬰．失車．頭赤赤

（一）
朋友Y和他的妻子剛生下小孩，隔了兩日就給我照顧。
他眼睛很大，好像小忌廉般的卡通眼睛，也有啡色鬈髮，還會站起來，很可愛。 我到相舖買紙飾物給他戴，再放他到黑色布袋中。
我和朋友吃飯，差點忘了袋中的小孩。一拿出來看，發現他全身被紙包着，面容是一塊紙，身體是一塊紙，似乎是相舖會錯意，將他弄死了！我點同朋友交待？
猶疑不決之際，我找來朋友J，但忘了她說甚麼。最後，我又找來朋友E，她叫我找出小孩死亡的原因，最後還是要告訴朋友Y。
告訴過朋友Y後，竟然沒有甚麼大不了，人也輕鬆起來。 

（二）
不知何時學會揸車，就問弟弟借了架車來揸，還揸得幾爽。
將車泊在Sogo對面後街，落一間地庫商場買嘢，上到嚟見唔到架車，原來俾人揸走咗！又原來我唔記得鎖車門！
我喺度跑嚟跑去搵，見到架車嘅車尾，但都係追唔切。
原來我泊個位係唔俾泊車，所以車被揸走。
又原來架車唔係細佬嘅，係租返嚟嘅﹐感覺先好返啲

 ＊

 好耐冇試過發醒咗都記得嘅夢，可能係因為夢中嘅焦慮，醒後左邊頭赤赤。