2015年11月28日星期六

2015年11月21日星期六

有時我恨自己稍為好辯些


我話你聽,其實梁震英係個 好 官 嚟,想做好多嘢,想發展好香港。不過一直畀人鬥,畀人誤會,搞到有個佔中出嚟,乜嘢都做唔到。董建華其實個人好好,你睇佢個樣成尊佛咁,點會做壞事。三個特首入面曾蔭權係最衰,乜嘢都冇做過。香港而家畀啲人搞到死晒,冇得救,人哋個個走過嚟,買枝水都係消費,你趕人哋走,人哋而家請都唔嚟呀,我好幾個朋友都係咁話,寧願去韓國、泰國好過,做乜要嚟香港。你知唔知呀,而家香港嘅聲譽係好差,亂到咁,搞衰個名好難搞得返好,遲早畀人追過。大陸啲教育係全世界最好,好到乜咁,教到個個出嚟都有禮貌,又識得多嘢,中文好到乜咁。人哋小學嘅程度,好似香港中一二咁。美國教育係好差,啲學生乜嘢都唔識,一班學生出嚟嘈到乜咁,個老師想講句嘢都講唔到,完全冇紀律。香港嗰啲都係,冇咩秩序,唔識尊師重道。中國嘅學生一走出嚟,個個一個跟一個,自動自覺,粒聲都唔出。想個仔女成才,一定要送去大陸讀書。毛澤東係近乎完美㗎喇,中國五千年文化,冇人好似佢咁叻,若果唔係臨尾搞咗個文化大革命。佢識寫詩,又識寫詞,作咗幾多前無古人,後無來者嘅絕句。

2015年11月15日星期日



蟲鼠蟻造訪日頻   蜘蛛悠然散步   蟑螂夜探垃圾   夜䦨人靜長明燈   廁所無人門照關    窗門大開   閒話隔牆穿   鄰閘柄前一袋菜   隔夜飯湯檯上曬   何話可說

2015年11月3日星期二

冥冥


黑暗穿了個洞。我有如一塊黏液,被吸到洞外,一個頭眩的金光世界。頭上不斷打開,一重一重的急速上升、擴大。是我的頭殻在打開嗎?小時候撞穿頭時,也有股痛快的涼爽。

我心跳加速,而且移向正中間,是對未知狀態的恐懼。勃然想起其他人叫我小心走火入魔的忠告。我本能地退後,回到當下的靜坐,聽到喃嘸朦朧。